Ez, saskia itxia da. Sasoiko produktuz osatzen da, baratzak momentuan ematen duenaren arabera. Saski bakoitzean sasoiko barazki barietatea eskaintzen saiatzen gara.

Produktu nagusia barazkiak dira. Sasoiaren arabera sagarrak eta gaztainak ere etortzen dira. Saskitik kanpo, sagardoa eta babarrunak erosteko aukera dago.

Gainera, banaketa egun eta lekuan Oiartzungo beste ekoizleak etortzen dira bere produktuak saltzera.

Ezagutu beste ekoizleak

Barazki arruntekin (ez ekologikoekin) alderatuz, garestiagoak izan daitezke, lehengaiak eta produkzio prozesua ekologikoa baita. Hala ere, inguruko saltokien barazki ekologikoekin alderatuz, merkeagoak dira. Zuzeneko salmenta egiten dugunez, zuk ordaindutakoa zuzenean nekazarien soldatak ordaintzeko da.

Bazkideen eskura jartzen ditugun formatuak zuretzat egokiak ez badira, jarri gurekin harremanetan eta zure beharretara egokitzen den proposamena egiten saiatuko gara.

Zure lantokian ere egin dezakegu banaketa.

Lantokira banaketa. Nola?

Oporretara zoazelako ezin baduzu saskia jaso, hiru aukera eskaintzan dizkizugu:

• Zure inguruko norbaitek saskia jaso badezake, bera etor daiteke bila.
• Oporretara joan aurretik edo ondoren galdu dituzun banaketak konpentsatu ditzakegu. Astero bi saski jasoko zenituzke, galdu dituzunak errekuperatu arte.
• Aurreko bi aukerak ezinezkoak badira, hilabeteko kuota ez ordaintzeko aukera ere badago. Hala ere, kontuan hartu kontsumo talde bat garela. Nekazarien eta proiektuaren iraupenerako zure ekarpena behar-beharrezkoa dugu.

Baratzak atsedenik hartzen ez duen arren, langileek oporrak behar dituzte. Oporrak gabonetan, pazko astean eta abuztuan hartzen dituzte:

• Gabonetan eta pazko astean ez dago saskirik. Hilabete horretako kuota berdin ordaintzen da. Urtean 5 astelehenetako hilabeteak daudenez, oporretan galtzen diren saskiak urtean zehar berreskuratzen dira.
• Abuztuan ez dago banaketarik plazan. Zuzenean baratzean jasotzen dira barazkiak. Astean ordubeteko auzolana egiten da barazki saskiak prestatu eta baratzako lanak egiteko.